கடவுளுடன் உரையாடல்

கடவுளிடம்
என் டேட் ஆப் டெத்
பற்றிக் கேட்டேன்

சிரித்தார்

மீண்டும் கேட்டேன்

சிலதை ரசிக்கப் பழகு
சிலதை ஒதுக்கப் பழகு
சிலதை விரும்பப் பழகு
சிலதைப் பார்க்கப் பழகு

சொல்லிக் கொண்டே சென்றார்

மீண்டும் என்
சாவு தேதி குறித்து
சத்தமாய்க் கேட்டேன்

சொன்னார்

சிலதை
தெரிந்து கொள்ளாதிருக்கப் பழகு

அந்த அசரீரியோடு
முடிந்து போனது
கடவுளுக்கும் எனக்குமான
உரையாடல்