Powered by Blogger.

காகிதங்களைப் புரட்டுகிறீர்கள்

Thursday, July 20, 2017

அறையில் 
அமர்ந்துகொண்டு 
வானம் பற்றி 
எழுதுகிறீர்கள் 
பார்க்க வந்த 
மழைத்துளிகளை 
அனுமதித்திருக்கலாம் 
கதவடைத்துக்கொண்டு 
காகிதங்களைப் புரட்டுகிறீர்கள்


காட்சிக்காக

Tuesday, July 18, 2017

காட்சிக்காக அவர்களுக்குக்
கண்ணீர் தேவைப்பட்டது
குத்தி வரவழித்தார்கள்
காட்சிக்காக அவர்களுக்கு 
மரணம் தேவைப்பட்டது
குத்தி குத்தி கொன்றார்கள்

பாதை

Tuesday, July 04, 2017

புதிர்கள் நிறைந்தது இந்தப் பாதை
பூக்கள் காணாதது இந்தப் பாதை
வன்மம் கொண்டது இந்தப் பாதை
வார்த்தைகள் இல்லாதது இந்தப் பாதை
வளைந்து நெளிவது இந்தப் பாதை
கலைத்துப் போடுவது இந்தப் பாதை
நிழல்கள் இழந்தது இந்தப் பாதை
தொலைக்க வைப்பது இந்தப் பாதை
துயரம் பாடுவது இந்தப் பாதை
அமைதி அழிப்பது இந்தப் பாதை
அழகை சிதைப்பது இந்தப் பாதை
வண்ணம் காட்டாதது இந்தப் பாதை
மயக்கம தருவது இந்தப் பாதை
திரும்ப விடாதது இந்தப் பாதை
பயத்தை ஊட்டுவது இந்தப் பாதை
நீர்ச்சுனை இல்லாதது இந்தப் பாதை
தீ முனைப் போன்றது இந்தப் பாதை
சொல்லிக்கொண்டே போகிறீர்களே
முடிந்து விட்டதா சொல்லுங்கள்
நான் ஒரு வரியை சேர்க்க வேண்டும்


போகக்கூடியது இந்தப் பாதை
 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்