Powered by Blogger.

குழந்தையிடம் கேட்டேன்

Saturday, September 30, 2017

ஒரு கையில் பூ 
ஒரு கையில் மிட்டாய்
எது வேண்டும் 
குழந்தையிடம் கேட்டேன் 
தலையில் பூவை 
வைக்கச்சொல்லிவிட்டு 
மிட்டாயை வாங்கிக்கொண்டு 
ஓடி விட்டது 

      

சிரிப்பு சிரிப்பாய் வருகிறது

Thursday, September 28, 2017

சிரிப்பு சிரிப்பாய் வருகிறது

உங்களை நினைத்தால்
சிரிப்பு சிரிப்பாய் வருகிறது

உண்மையில்
உங்களை நீங்கள் எடை போடலாம்

தைரியத்தில்
உங்களை எடை போடலாம்

நம்பிக்கையில்
உங்களை எடை போட்டுப் பார்க்கலாம்

அன்பில் கூட
அதைச் செய்யலாம்

நட்பில்
உறவில்
பகிர்தலில்
உபச்சரிப்பில் என
உங்களை நீங்கள்
எடை போட்டுப் பார்க்கலாம்

இதையெல்லாம் விட்டுவிட்டு
தராசில்தான்
என்னை நான் எடை போட்டுப் பார்க்க வேண்டும் என்று
நீங்கள் சொல்வதை நினைத்தால்

சிரிப்பு சிரிப்பாய் வருகிறது

சிரிப்பு வந்தது

Sunday, September 24, 2017

நான் ஐந்தரை அடி
உயரம் கொண்ட பொய்
சொல்லுங்கள்
இப்போது
நான் உங்களுக்கு
மிகவும் குள்ளமாகத் தெரிகிறேனா

அப்படி எல்லாம் இல்லை

பிறகு ஏன் சிரித்தீர்கள்

நான் அளவிட முடியாத
உயரம் கொண்ட பொய்
அதை நினைத்தேன்
சிரிப்பு வந்தது 

உண்மையும் உண்மையும்

Saturday, September 02, 2017

கற்பனையும் உண்மையும்
கலந்த கதை

அல்லது

உண்மையும் உண்மையும்
கலந்த  கதை

அவர் கண்ணீரில் ஆரம்பித்து
கண்ணீரில் முடித்தார்

பெண் குழந்தை
பிறந்திருக்கு சார்

அனிதான்னு
பேரு வச்சிருக்கேன்

நான் நம்பிக்கையில் ஆரம்பித்து
பிரார்த்தனையில் முடித்தேன்

நல்லா படிக்க வைங்க
எப்பாடுபட்டாவது

டாக்டராக்குங்க
 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்